9 NEW BENEFIT BROW PRODUCTS - FIRST IMPRESSIONS


早前出席Benefit 發佈會,得知佢地會6月推出9件全新眉妝產品!雖然我對 「眉」妝唔係太高要求,亦都冇咩研究,主要要求就係:只要化到稍微有精神,整整齊齊就滿足架喇。
不過知道特別喺歐美好受歡迎嘅 'Brows On Fleek' 漸漸到亞洲都開始多D人會著重眉妝
今次就分享下呢9件新產品同我對佢地嘅第一印象啦!











Ka-Brow 霜狀造型眉膏 
顏色: #3
價錢: HK$235

其中最喜歡的產品之一!呢個係一個cream-gel formula嘅眉膏 (同Anastasia Dip Brow Pomade / Tarte Brow Mousse相似). 最喜歡其實係一個設計。本身都有用開呢類嘅眉膏,覺得搽出黎好自然 同埋比普通眉筆更持久 ,但係因為平時要另外用一支斜角掃,所以就唔太方便。呢個附有一支mini 斜角掃之餘,如果嫌支掃太細太難控制,可以倒轉佢插返入去,就可以變成一支full size嘅掃。設計相當細心!
個眉gel都夠滑同埋唔會容易kick,上眉都好均勻 因此非常滿意。
特點 : 24小時持久度,防水

值得買指數:9/10






Browvo! Conditioning Primer 眉毛底霜
價錢: HK$270

Face Primer, Eyeshadow Primer, 甚至lip primer都聽得多了,但係brow primer 我自己就真係未接觸過。呢個Browvo! 個設計幾特別,個刷頭係有好多膠粒粒,可以順滑同均勻咁塗滿眉毛 同時都可以梳順眉毛。佢係一個透明gel,話說可以令眉毛更濃密之餘,用來作打底霜可以令之後上嘅眉色更顯色同埋持久。不過老實說,我自己d眉毛都比較粗同密,而我覺得如果其他眉妝產品本身都咁持久的話其實呢個唔係太需要。呢個primer裡面有大豆蛋白同魚蛋白成分,可以滋潤同有助眉毛增生,所以如果妳的眉毛本身係好疏或者好幼細 咁可以考慮試試。

值得買指數:3/10





Precisely, My Brow Pencil 立體塑型眉筆
顏色: #4
價錢: HK$230

呢支我本身好鐘意用,一收到已經等唔切開咗黎用。佢令我唸起我之前很喜歡的 Anastasia Brow Wiz 或 Soap & Glory Archery Brow Pencil, 筆頭非常幼身,可以畫出到一條條的「眉毛」。佢支筆一樣係好滑,畫出來的線真係幾幼 而且可以輕易塑出眉型,不過#4號色對我來講太深色喇。
比起Anastasia, 我覺得Anastasia個效果會soft小小(唔知係咪同顏色有關),所以如果我再買應該會買返3號色。 
好處係唔洗刨,而且另外一邊附有螺旋掃去blend返開顏色,幾方便的。
特點:防水,不用刨,可扭出扭入

值得買指數:8/10





Goof Proof Brow Pencil 豐盈眉筆
價錢: HK$230

如果成個collection只可以選一個產品去買,我會建議買呢支眉筆  -佢會比較容易使用,好適合新手或者同我一樣畫眉都唔太講究/懶嘅人,係一個快速之選!
首先筆形係diamond shape, 同平時的斜角眉筆唔同。佢係比較立體的,所以可以用筆尖去畫好幼細的「眉毛」,亦都可以打平用來填滿成堂眉,快速及方便。
畫出來效果都係好soft 好自然,絕對係新手必備的!
特點:12小時持久度,防水

值得買指數: 10/10








Brow Zings 完美眉毛組合
顏色:#4
價錢: HK$315

接下來的Brow Zings其實係更新版,之前已經有架。舊版本我都試過,當時因為顏色太深我用唔著。到了新版,顏色都係太深用唔著(崩潰狀態)。設計係唔錯的,裡面有一個眉蠟,一個眉粉,一個眉鉗 同埋一支雙頭眉掃。
眉掃的設計好方便,可以接埋的。眉蠟做得唔錯,佢建議用斜角掃先上眉蠟,再用另外一邊嘅blending brush拿眉粉填滿眉色 - 眉妝效果係幾靚 幾豐盈的。不過呢d步驟對我來講有小小too much (懶人的心聲吧),所以呢盒我自己覺得唔係一個必需品,除非你對眉好有要求!
特點:12小時持久度

值得買指數: 6/10



Ready Set Brow! 定型眉膏 
HK$230

呢支係一支透明的眉gel, 而呢支我都非常喜歡。透明的眉gel 好適合我呢d 鐘意淺色眉嘅人,因為有時再搽上有色嘅眉gel會覺得好over 。另外佢嘅刷頭設計真係造得非 常 好!
見到掃上嘅 teeth 係非常幼,所以掃上眉毛嘅時候明顯可以好仔細梳返順d眉毛,有根根分明的效果,亦都係外國很流行的  “Feather Brows" trend!

值得買指數: 9/10




Gimme Brow 豐眉膏
顏色: #3
價錢: HK$230

本身已經有日日用開舊版 Gimme Brow, 都好喜歡!覺得除左可以梳順返堂眉之外都仲可以造島豐盈效果,令眉毛睇落更濃密。塗抹得好均勻之餘呢個都係防水的!
本身都打算回購。
特點:防水

值得買指數: 10/10



3D Browtones 立體提亮眉膏
顏色: #2
價錢: HK$235

本身唔太明白呢個產品嘅作用。有眉筆,眉粉,眉蠟,定眉膏 -咁多產品仲唔夠咩?
試左之後覺得真係有小小分別。因為我的眉毛本身好深色,呢個可以染眉色之餘可以做到個立體感,d眉毛望落唔會好2D。佢只有 #2 或者 #4色,另外一個好處係lazy day可以只用佢一個 (當然如果想有梗凸出的效果可以layer喺眉筆上面)。
特點: 防水, 12小時持久度

值得買指數: 8/10




Benefit High Brow / High Brow Glow 提亮筆
價錢: HK$215

本身有High Brow, 老實說超級懶的我比較少用。High Brow係matte finish 所以會比較自然,但都可以令眼部同整個輪廓更突出。新推出咗嘅就係 High Brow Glow, 有珠光的版本。
High Brow (matte) 係好creamy 好滑的配方,而非常容易推開。老實說雖然我好中意帶有珠光的東東(搽上手的時候係會心心眼的!),但係如果搽眉骨位置,我自己比較偏向鐘意自然小小的matte 色。可能因為眼影方面我都鐘意有珠光/閃粉,如果用 High Brow Glow, 成個妝感太bling,個人認為matte的提亮色會比較適合亞洲人。

值得買指數: High Brow - 8/10 ; High Brow Glow - 6/10 


Benefit的新眉妝系列久係咁多喇!希望呢個post幫到你地!
由於自己的畫眉技巧都唔係太好,所以等我練好d再喺Instagram或者Facebook示範比大家睇!
大家有冇話邊隻眉妝產品有興趣呢?
Benefit 眉妝系列  2016年 6月 30號登場!


*Products sent by Benefit for consideration to review.
This is not a sponsored post. 



No comments

Post a comment

© BETHNI.COM

This site uses cookies from Google to deliver its services - Click here for information.

Professional Blog Designs by pipdig