肉眼可能睇唔到，但係原來我地皮膚每日都會接觸唔同嘅環境嘅侵害。冷氣，空氣污染， UV紫外線.. 我發覺每次出出下街或者返到屋企都會突然有一粒甚至幾粒嘅敏感，一路都唔知道喺邊度黎。直至接受咗Physiogel嘅Daily Defence Blogger挑戰, 每日用放大鏡影低皮膚喺唔同環境嘅狀況先知道原來係外在環境影響皮膚。如果一直忽略唔好好保護佢，後果會好嚴重！
－ 敏感的起因 －
環境嘅因素可以直接影響我地嘅皮膚，譬如汽車排出嘅柴油微粒同煤煙粒子，工業區嘅臭氧，同UV紫外線。唔單止導致皮膚流失膠原蛋白同彈性蛋白，仲會有好多碳粒子儲存喺皮膚表層 破壞皮膚本身嘅屏障，變得更容易刺激皮膚同引致發炎，真係好恐怖！
上圖就係比較咗喺屋企皮膚上面嘅游離基同去完酒吧嘅情況。明顯見到右邊（酒吧）游離基嘅數量大好多，而當日我都記得喺酒吧嘅時候已經有小小敏感。
呢張圖就係比較唔同地方嘅環境裡面游離基喺皮膚嘅數量。最左邊係喺屋企附近散完步影 （我住郊區，比較少車同完全冇工廠），游離基數量比較少。到中間果張就係喺中環去完event，明顯紫色圈圈多好多，見到都嚇一跳。最右邊就係當晚去睇完足球比賽，雖然唔算係工業區但係都係市區裡面，唔多唔少皮膚都有受到損害。
－如何對抗環境侵害 等皮膚唔好咁容易老化同敏感？－
接受Blogger Challenge嘅同時 我測試咗Physiogel Daily Defence系列超過兩個星期。佢係研究過皮膚嘅敏感起因，再研製出黎去抵抗環境對皮膚造成嘅侵害。佢嘅優勝之處就係成個系列都使用BioMimic科技，產品可以同皮膚嘅結構結合令皮膚更加強壯。我媽媽見到我開始試，已經不停讚好用，因為原來佢嘅皮膚科醫生都推介佢用。Physiogel係出曬名敏感性皮膚都可以用，因為佢有三無：無香料，無防腐劑，無色素。
溫和潔面乳 HK$138*
呢兩個星期用嘅都係呢個潔面乳。我會早晚用，夜晚可以順便卸走剩餘嘅化妝品。佢係好似gel同洗面奶嘅合體，非常容易推 感覺好溫和同滋潤。我會沾小小上化妝棉到然後輕輕打圈咁清潔，覺得佢比想像保濕 同時都覺得可以柔和咁去雜質。
輕柔保釋日霜SPF 15 HK$158
日霜裡面有 SPF 15係一個bonus，特別係夏天！因為可以用少一件產品皮膚唔洗好似好多負擔咁。呢個日霜質地好似好滋潤，但係我發覺佢都幾快吸收。搽完之後皮膚係會有一種健康嘅光澤。佢個特點係有抗氧化物全日保護皮膚，對抗外在環境嘅侵害。
賦活保濕晚霜 HK$158
除咗日頭要阻隔游離基，夜晚嘅保護都唔可以忽略。夜晚我地要更加注意補充水分，而佢嘅晚霜我發覺係更水潤同埋保濕度會長久D。感覺一樣唔黏亦都好快吸收，但感覺皮膚上面都會有一層薄薄的膜去鎖緊水份。皮膚都冇再因為冷氣抽乾水份而敏感了。
多謝Physiogel比機會我接受呢個挑戰，唔單止增加咗對皮膚同環境嘅知識，仲可以試到一個我非常中意 自己亦會推介比朋友嘅系列。
大家都不防試下，始終我地都市人 加上香港咁多工業區 空氣污染質素好容易影響我地嘅皮膚！
This post is sponsored by Physiogel
As always, all opinions are my own after testing the products and taking the challenge for 14 days.
No comments
Post a Comment